×

Кошничка

Вашата кошничка е празна.




10 Совети за поубава бања

10 Совети за поубава бања

Бањата е обично најзапоставениот дел од домот, но токму таа треба да

биде одраз на нашиот животен простор, а со оглед на тоа дека сите се
соочуваме со секојдневен стрес, навистина заслужуваме оаза во која ќе се
опуштиме.

Бањата е најскапата просторија во домот за украсување и декорација. Но, со помош на овие совети и идеи ќе создадете драстична разлика во овој простор:

1. Нагласете го ѕидот во бањата

Вашата бања може да биде место за храбро експериментирање. Задржете се на еден ѕид и нагласете го со боја или декоративни лепенки, кои ќе дадат печат на елеганција.

2. Осветлување

Осветлувањето е особено важно во бањата, а вие самите може да направите тема која сакате да ја имате. Од романтично светло па сѐ до силни светилки. Секако најдобра опција е поставување на само неколку свеќи, кои одлично ќе ви дојдат кога ќе сакате да се опуштите под топол туш.

3. Туш завеса

Ако навистина ви е потребна завеса, гледајте да биде со текстура. Избегнувајте бела, сина и пронајдете весела, која секако ќе одговара со декоративниот ѕид.

4. Складирање на производи

Полици зад врата, сокриени фиоки, големи затворени кошници, кои секако ќе изгледаат елегантно. Изборот е ваш, но секако обрнете внимание сето тоа да се вклопува.

5. Теписи во бањата

Најдобро е да одберете неутрална боја на тепих како сина, црвена или бела. Потоа што и да правите во бањата, вашиот тепих ќе биде во согласност со дизајнот.

6. Пешкири во бањата

Пешкирот може да направи голема промена и да ја разубави бањата. Вреди да вложите во квалитетни ткаенини со кои ќе придонесете за пријатна атмосфера. Секако изборот на бои зависи од вашиот вкус.

7. Огледало во бањата

Огледалото создава илузија на поголем простор и е многу важен елемент за бањата. Бидете креативни и украсете ја рамката со нитни или дрвени палети, во зависност од изборот на другите елементи.

8. Внесете цвеќе во бањата

Многумина мислат дека цвеќето е непотребно, но напротив зеленилото може убаво да ја освежи бањата.

9. Декор во бањата

Секој мал детаљ го комплетира дизајнот, од стаклени тегли за сапун, парфеми или некој ваш интересен дизајн навистина многу значи за целокупниот изглед.

10. Када во боја

Последниот трик е драматичен. Пробајте ги шарените кади, кои ќе ја истакнат бањата и ќе внесат свежина и новитет во вашата водена оаза.


Newsletter

Пријави се за Newsletter и прв добивај ги сите промоции