16 Совети за правилно одгледување на вашето цвеќе

Дури и на најискусните им е потребна помош кога станува збор за убавата,
но напорна работа во градината. Ние ги имаме најдобрите совети кои ќе
ви бидат таен сојузник.

1. Еднаш неделно наводнете ги добро (и многу) цвеќињата и
градината. Кратките и чести наводнувања се добри за да ги оодржите
свежи, но нема да навлезат во корените.

2. Избегнувајте да ги наводнувате за време на најтоплиот дел од денот, ако не сакате да ги изгорите вашите растенија. Најдобро е да се наводнуваат рано наутро или во попладневните часови.

3. Ако транспортирате растенија (или ако сакате да ги посадите на друго место), направете го тоа откако добро ќе ги наводнете. Влажна почва ќе ги задржи корените и тие нема да се искинат или да испукаат.

4. Бидете внимателни кога ја косите тревата, таа не треба да биде кратка бидејќи ќе ја ослабнете и ќе го направите вашиот тревник подложен на плевели.

5. Проценете колку сончева светлина ќе ги добие вашите цвеќиња пред да ги засадите. Повеќето растенија имаат потреба од шест часа сонце за да напредуваат.

6. Зачините посадете ги одделно од другите насади. Магдоносот, нането, босилекот итн. пуштаат семе и се шират наоколу.

7. Кинете ги долните лисја од зеленчуковите растенија редовно за да спречите ширење на габични болести.

8. Чистете ги овенатите и исушени цветови од растенијата за да можат да прават нови цветови.

9. Подобрете ја почвата со додавање на компост или ѓубриво. Растенијата ќе растат и ќе напредуваат многу побрзо.

10. Пролетните цвеќиња и насади најдобро е да ги засадите во облачни денови.

11. Зеленчукова супа (водата во која сте вареле зеленчук) е најдобра за полевање на растенијата. Таа е најдобрата храна за растенијата.

12. Покрај цветни растенија, засадете и зимзелени, за вашата градина да изгледа убаво во секое годишно време.

13. Растенијата како (кромид, лук, крин, лале итн.) треба да се засадат во двојно поголема дупка од нивната главичка за да имаат простор да растат.

14. После работа во градината, изгребете го сапунот со ноктите за убаво да ја исчистите земјата и нечистотијата која се насобрала под нив.

15. Не брзајте да ги засадите растенијата премногу рано на почетокот на сезоната. Следете ги метеоролошките предвидувања за временските услови.

16. Засадете џунџулиња по краевите, за да ги држите несаканите инсекти подалеку. Инсектите (особено комарците) не го сакаат мирисот од ова цвеќе.

Градина :: Меркур Онлајн Продавница | Merkur Online Shop | merkurmak.mk